Ապրանքային նշանի օնլայն գրանցում

Ապրանքային նշանը՝ Հայաստանի մտավոր սեփականության գրասենյակում գրանցված նշան է, որն օգնում է տարբերակել շուկայում առկա արտադրանքը, ծառայությունները, անհատ ձեռնարկատերերին կամ ընկերությունները՝ այլ բիզնեսի ներկայացուցիչներից: Սովորաբար դա ներառում է ապրանքի անունը, կարգախոսը, դոմենի անունը, լոգոն, պիտակը՝ այն ամենն, ինչը տարբերակում է ապրանքը շուկայում:

Ապրանքային նշանի նկատմամբ իրավունքները ծագում են «Հայաստանի մտավոր սեփականության գրասենյակում» գրանցելու պահից: Երրորդ անձանց կողմից ներկայացված պահանջներից խուսափելու համար, խորհուրդ է տրվում այն օգտագործել հենց այդ պահից: Միևնույն ժամանակ, օրենքը չի արգելում նշանի (անվանման, լոգոյի) օգտագործումը, որպես ապրանքային նշան, եթե այնդեռևս գրանցման փուլում է կամ նույնիսկ առանց գրանցման: Այնուամենայնիվ, օգտագործելով նշումը, որ դեռ գրանցված չէ որպես ապրանքային նշան, Դուք կրում եք համապատասխան ռիսկեր: Օրինակ ՝ ինչ-որ մեկի իրավունքները խախտելու ռիսկը ՝ առանց դա իմանալու:

Ապրանքային նշանը կարող է գրանցվել իրավաբանական անձի, ֆիզիկական անձի կամ անհատ ձեռնարկատիրոջ անունով: Դիմումը ներկայացվում է դիմողի կողմից ուղղակիորեն կամ իր ներկայացուցչի միջոցով: «Հայաստանի մտավոր սեփականության գրասենյակում» ապրանքային նշանի գրանցումն այժմ իրականացվում է էլեկտրոնային եղանակով՝ Հայաստանի Հանրապետության ցանկացած քաղաքից: Ապրանքային նշանի գրանցման հայտ ներկայացնելու համար անհրաժեշտ է լրացնել ապագա իրավատիրոջ մասին նվազագույն տվյալները՝ ընկերության անվանումը, իրավաբանական հասցեն, ինչպես նաև ներկայացնել գրանցման ներկայացվող նշումը:

Ապրանքային նշանի գրանցման ժամկետը 4-7 ամիս է: Այս ժամանակի մեծ մասը փորձաքննությունն է։ Ապրանքային նշանի փորձաքննության ժամկետի տևողությունը պայմանավորված է ՀՀ գործող օրենսդրությամբ և միջազգային պայմանագրերով:

Չնայած այն հանգամանքին, որ ապրանքային նշանի ստուգումը, պետական փորձաքննությունը և վկայականի ստացումը տևում են ավելի քան մեկ տարի, Ձեր ապրանքային նշանի համար ժամանակավոր պաշտպանությունը ստանում եք արդեն հայտի ներկայացման օրը, քանի որ դրանից հետո ոչ մի մրցակից չի կարողանա հայտ ներկայացնել նմանատիպ կամ նույն ապրանքային նշանի գրանցման համար: Ավելի ճիշտ, հայտը կարող է ներկայացվել, սակայն ապրանքային նշանի գրանցումը մերժվում է, քանի որ Ձեր հայտը կունենա ավելի վաղ առաջնահերթություն ։

Օրենքի 8-րդ հոդվածի 1-ին մասի համաձայն,որպես ապրանքային նշաններ կարող են գրանցվել՝ գրաֆիկական պատկերման հնարավորություն ունեցող նմուշները, մասնավորապես՝ 1. բառեր, արտահայտություններ, անուններ կամ կարգախոսներ 2. տառեր կամ թվեր 3. նկարներ, պատկերներ կամ խորհրդանիշներ 4. 3D պատկերներ,մասնավորապես՝ ապրանքի կամ դրա փաթեթավորման (տարայի) արտաքին տեսքը 5. հոլոգրամաներ, գույներ, գունային համադրություններ կամ կոմպոզիցիաներ 6. ձայնային ազդանշաններ 7. սույն բաժնի 1-6-րդ կետերում թվարկված օբյեկտների ցանկացած համակցություն

Ապրանքային նշանի գրանցման գործողության ժամկետը՝ հայտի ներկայացման թվականից հաշված՝ տասը տարի է։ Ապրանքային նշանի գրանցման գործողության ժամկետը կարող է երկարաձգվել բազմիցս, յուրաքանչյուր անգամ տասը տարով բոլոր ապրանքների և (կամ) ծառայությունների կամ դրանց մի մասի համար:

Հայաստանի Հանրապետության ռեզիդենտներն իրավունք ունեն ապրանքային նշանը գրանցել օտար պետություններում՝ հայտ ներկայացնելով անմիջապես այն երկրի համապատասխան կառույց որտեղ հայտատուն ցանկանում է ստանալ իրավական պահպանություն կամ կատարել դրա միջազգային գրանցումը:

Ապրանքային նշանն օգտագործվում է մեկ արտադրողի ապրանքները այլ արտադրողների ապրանքներից տարբերելու և նույնականացնելու համար: Այն կարող է լինել բանավոր, պատկերավոր, համակցված, ձայնային և այլն: Ապրանքային նշանի գրանցումը պաշտպանում է մրցակիցների կողմից օգտագործվելու հավանականությունից, ինչպես նաև մտավոր սեփականության պաշտպանության կարևոր տարր է: Սպասարկման նշանը ապրանքային նշանի անալոգն է, բայց կիրառվում է ծառայությունների, այլ ոչ թե ապրանքների համար: Այն օգնում է սպառողներին բացահայտել և ընտրել մեկ ընկերության ծառայություններն՝ ի տարբերություն այլ ընկերությունների ծառայությունների: Ըստ էության, դա նույնն է: Բրենդը սպառողների շրջանում ընկերության կամ նրա արտադրանքի ընդհանուր ընկալումն է: Այն ներառում է պատկերանշան, անուն, դիզայն և հեղինակություն: Բրենդի ստեղծումը ռազմավարական գործընթաց է, որի նպատակն է ձևավորել յուրահատուկ և հիշարժան կերպար: Ապրանքանիշը եզակի անուն և պատկերանշան է, որի միջոցով հնարավոր է տարբերակել մեկ ձեռնարկության ապրանքները կամ ծառայությունները մյուսներից: ՀՀ քաղաքացիական օրենսգրքում և այլ նորմատիվ իրավական ակտերում «ապրանքանիշ» հասկացությունը բացակայում է, տվյալ հասկացությունը փոխարինում ենք «ապրանքային նշան» հասկացությամբ: Նշումը որպես ապրանքանիշ պաշտպանել հնարավոր է նաև ՀՀ սահմաններից դուրս: Վերը թվարկված բոլոր նշանակումները (լոգոն և անվանումը (ապրանքանիշի բաղադրիչները), ապրանքային նշանը) կարող են պաշտպանվել գրանցվելով որպես ապրանքային նշան և սպասարկման նշան: Ապրանքային նշանի գրանցման կարգը պահանջում է դիմում ներկայացնել մտավոր սեփականության գրասենյակ, ստուգել եզակիությունը և շփոթություն չունենալ արդեն գրանցված ապրանքային նշանների հետ: